«Брежнев шәһәре» спектакле

«Брежнев шәһәре» романы бестселлер буларак үз укучысын күптән тапты. Аның авторы Шамил Идиатуллин, хәзер Мәскәүдә яшәсә дә, Чаллы өчен чит кеше түгел – аның балачагы һәм яшьлеге монда узган.

Үзләрен эшкә багышлаган әти-әниләр һәм аларның игътибарыннан мәхрүм калган үсмерләр: чагыштырмача «дөрес» тәрбия алган, әмма урам йогынтысыннан читтә калмаган Артур; тормышта үз юлын таба алмаган Виталий Анатольевич; алсу күзлекләрен салып ташларга мәҗбүр булган Марина Михайловна – бу һәм башка геройлар тамашачыны үзен үзгәртергә мәҗбүр итәчәк.