Спектакль швед язучысы Ян Улоф Экхольмның «Тутта Карлссон – беренче һәм бердәнбер, Людвиг Ундүртенче һәм башкалар» әкият повесте буенча куелды.
Бу – гадел һәм игелекле төлкечек Людвиг Ундүртенче белән сөйкемле чеби Тутта Карлссон турындагы гаҗәеп тәэсирле һәм романтик тарих. Ул теләсә нинди алдан уйланган фикерләрне һәм стереотипларны җимерә торган дуслыкның көче турында сөйли. Матур сюжет, игелекле җырлар һәм җанлы костюмнардан үрелгән «Гашыйк төлкечек» спектакле яшь тамашачыларны әкиятнең тылсымлы дөньясына алып керер.