Әлеге спектакль Чаллы режиссеры Олег Кинҗәгулов тарафыннан Мөхәммәт Мәһдиевнең танылган повесте буенча юкка гына куелмаган. 2025 елда илебез өчен иң мөһим вакыйга – Бөек Ватан сугышында Җиңүнең 80 еллыгы билгеләп үтеләчәк. Әсәр авырлыкларны җиңеп чыгу, тормыш сынауларының кеше ихтыярын ничек чыныктыруы, Бөек Ватан сугышы елларында педагогика училищесында укучы, вакытыннан алда өлкәнәйгән, ачлык, салкын һәм бар нәрсәнең дә җитешмәве кебек тормыш авырлыклары белән очрашкан гади яшүсмерләр язмышы хакында сөйли.