Яр Чаллы шәһәренең Орган залында «Ак калфаклы рәссамнар» иҗат төркеменең яңа экспозициясе килүчеләрне сөендерергә әзер. Экспозициядә төркем катнашучыларының үз Ватаннарына — Татарстан Республикасына булган мәхәббәт һәм соклану темасын берләштергән эшләре тәкъдим ителә! Милли гореф-гадәтләр, күптөрле табигать — боларның барысын да картиналарда күрергә мөмкин.
«Ак калфаклы рәссамнар» иҗат берләшмәсе 2023 елда Россия һәм Татарстан Республикасы Рәссамнар берлеге әгъзасы Рауза Иванова җитәкчелегендә, «Ак калфак» Бөтендөнья татар хатын-кызлары иҗтимагый оешмасы ярдәме белән оештырылган.