Чара бөек шагыйрьнең тормыш юлы турындагы кызыклы сөйләүдән башланып китәчәк, бу исә балаларга аның иҗатын һәм ул яшәгән чорны яхшырак аңларга ярдәм итәчәк. Программаның төп өлеше тематик станцияләр буенча интерактив сәяхәттән гыйбарәт. «Йомгаклар аланы»нда катнашучылар әкият персонажлары белән бәйле табышмакларны чишәчәкләр. «Серле сандыкъчык» станциясе игътибарлылыкны тикшерүне тәкъдим итә: анда яшерелгән предмет ярдәмендә әкиятнең исемен табарга кирәк. «Сәнгать галереясы»нда балалар Пушкин әсәрләре буенча иллюстрацияләрдән пазллар җыеп, таныш образларны торгызачаклар. Программа символик әкият имәне янында тәмамланачак. Биредә балаларны «Пушкин иҗаты хәзинәсе» дигән китап күргәзмәсе көтә, анда һәркем классик әдипнең үзенә ошаган китапларын таба һәм рус әдәбияты дөньясына чума алачак.
