Концерт программасы әһәмиятле даталарга – татар шагыйре Габдулла Тукайның тууына 140 ел һәм Советлар Союзы Герое, шагыйрь Муса Җәлилнең тууына 120 ел тулуга багышлана. Чараның концепциясе татар милли мәдәниятенең алтын фондын, аның рухи мирасын, әдәби һәм музыкаль сәнгатен саклау һәм популярлаштыруга нигезләнгән. Программа татар халкының күренекле эшлеклеләре иҗатына багышланган. Тамашачыларны сүз сәнгате, вокал һәм хореографияне берләштергән әдәби-музыкаль куелыш көтә. Шигърият, музыка һәм бию аша концерт татар мәдәниятенең байлыгын, аның тарихи тирәнлеген, милли рухның көчен һәм буыннар дәвамчанлыгын ача. Яр Чаллы шәһәре нигезләнүнең 400 еллыгын һәм беренче КАМАЗ автомобиле чыгарылуның 50 еллыгын бәйрәм итү кысаларында, туган якка мәхәббәтне, шәһәр тарихына һәм халыкның хезмәт традицияләренә хөрмәтне чагылдырган музыкаль-хореографик композицияләр аерым атмосфера тудырачак.
