Җәйге каникуллар балалар өчен Россия буенча чын мәдәни сәяхәткә әйләнәчәк. Балалар төрле халыкларның гореф-гадәтләре, йолалары, китаплары һәм мультфильмнары белән танышачаклар. Алып баручы уеннар, конкурслар һәм викториналар ярдәмендә төрле этносларның мәдәниятләрендә нинди кызыклы әйберләр барлыгын күрсәтәчәк.
Бигрәк тә балаларга халык уеннары ошар. Алар Сабантуй, Нардуган, Масленица, Нәүрүз, Питрау, Иван Купала һәм Карга боткасы кебек якты бәйрәмнәрне искә төшерәчәкләр һәм сөйләшәчәкләр.
Кунакка мари һәм рус халыклары вәкилләре милли киемнәрдән килеп, иң кызыклы бәйрәмнәр һәм борынгы йолалар турында сөйләячәкләр. Рус гүзәле Аленушка балаларга «Шалкан» («Репка») халык әкиятен сәхнәләштерергә тәкъдим итәчәк. Балалар үзләренең артистлык сәләтләрен шатланып күрсәтәчәкләр.
Бәйрәм чуваш мультфильмын карау белән төгәлләнәчәк. Бу тарих якты тәэсирләр калдырачак һәм балаларга туган илебез мәдәниятенең байлыгын һәм төрлелеген яхшырак аңларга ярдәм итәчәк.
