Чаллыда «Пульста» дип исемләнгән проект бар. Аның кысаларында шәһәрдәшләрне өйдә, урамда һәм җәмәгать урыннарында мохтаҗ кешегә беренче ярдәм күрсәтергә укыталар.
Практик дәресләрдә йөрәк-үпкә реанимациясенә, кан агуны туктатырга, сулыш алу юлларыннан әйберләрне чыгарырга өйрәтәләр. Дәресләрне медицина көллияте укытучылары һәм «Волонтерлар-медиклар» отряды студентлары үткәрә. Барлыгы 200 кеше белем алды.