Гражданлык җәмгыятен үстерүгә Татарстан Республикасы грантларын бирү конкурсында катнашу өчен гаризалар кабул итү башланды. Конкурс операторы социаль юнәлешле коммерцияле булмаган оешмаларга ярдәм итү буенча Республика ресурс үзәге.
Катнашу өчен гаризалар 9 июньнән 23 июльгә кадәр «Грант конкурсы» автомат мәгълүмат системасы аша электрон формада бирелә. Һәр коммерцияле булмаган оешма проект белән бер генә гариза бирә ала, соралган грант суммасы 3 млн сумнан артмаска тиеш. Конкурска гариза әзерләү мәсьәләләре буенча "Горизонт" социаль юнәлешле коммерцияле булмаган оешмаларның ресурс үзәгенә 8-960-067-39-61 телефоны буенча мөрәҗәгать итәргә мөмкин.