Казанда 21 сентябрьдән Kazan Digital Week-2022 халыкара форумы эшли башлады. Ул үзенә 10 меңнән артык катнашучыны җыйды. Алар арасында ИТ-белгечләр, сәясәтчеләр, ил төбәкләре башлыклары, бизнесменнар бар. Катнашучыларның төп максаты - Россиянең фәнни-технологик һәм социаль-икътисадый үсешен тыярга тиешле санкцияләргә адекват җавап булдыру. Форум Россия Хөкүмәте эгидасы астында Татарстан Республикасы Министрлар Кабинеты тарафыннан үткәрелә.