“ВКонтакте” социаль челтәрендәге “Чаллы шәһәре администрациясе” төркемендә Яңа ел төнендә Азатлык мәйданында салют үткәрү
темасына тавыш бирү уздырыла. Тавыш бирү 27 декабрьдә төн уртасында
тәмамланачак.
“Чаллылыларның фикерен исәпкә алып без карар кабул итәчәкбез, — дип әйтте шәһәр хакиме Наил Мәһдиев. — Кирәк дисәләр оештырабыз, юк икән димәк бәйрәм салюты булмаячак. Сигез ел эшләү дәверендә бюджет акчасын салют оештыруга юнәлтмәдек. Ул һәрвакыт иганәчеләр ярдәмендә уздырылды. Ел дәвамында узган бәйрәмнәрдә булган салютлар барысыда иганәчеләр акчасына оештырылды. Шәһәрнең төп мәйданында бәйрәм оештырыла. Иң яраткан бәйрәмебезне каршы алыр өчен барлык чаралар да үткәрелде”.