Бүген Шәһәр Советы депутатлары 69 комплекстагы төзелеш объектында булдылар. 340 урынга исәпләнгән балалар бакчасы декабрь ахырында төзелә башлады, бүген төзелеш-монтаж эшләренең 70%тан артыгы төгәлләнгән.
Хәзер төзүчеләр инженерлык челтәрләрен көйлиләр, бизәү, төзекләндерү эшләрен башкаралар, фасад эшләрен тәмамлыйлар. Яңа бакча мөдире Юлия Юлчурина балалар бакчасы тулысынча балалар белән тулыландырылган, дип белдерде. Аның сүзләренчә, биредә яшьләр бик күп, яңа район, балалар җитәрлек күләмдә яши. Әле хезмәткәрләр кабул итү бара. «Сандугач» балалар бакчасы барлык төзелеш нормаларын үтәп төзелә. Биредә барлыгы 18 төркем, 7 ясле җиһазландырылачак. Беренче катта җылы идәннәр җәелгән.
Хәзерге вакытта сакчылар пункты җиһазландырыла, йөз видеокүзәтү камерасы урнаштырыла.