Единая база вакансий гражданской и муниципальной службы
Смотреть вакансии →
11 нче майда Яр Чаллыда алмашынучан болытлы һава көтелә, явым-төшемсез. Җил төньяк-көнчыгыштан, көнчыгыштан, секундына 6-11 метр тизлектә. Минималь һава температурасы төнлә +9..+12˚. Көндез максималь һава температурасы +26..+29˚.
Җиңү көне уңаеннан, Татарстан Республикасы Дәүләт Советы депутаты Николай Атласов исеменнән, 18 нче комплекста яшәүче ветераннар һәм тыл хезмәтчәннәренә бүләкләр тапшырылды. Ветераннарны бәйрәм белән депутат ярдәмчесе Эдуард Сабиров һәм 18 комплексның Территориаль иҗтимагый үзидарә рәисе Светлана Гурлева котлады.
Тукай районы Теләнче-Тамак авылында туган Лена Әхәт кызы Зеленовская 90 яшьлек юбилеен билгеләп үтә. Бөек Ватан сугышы елларында ул туган авылы колхозында эшләгән. Сугыштан соң Ленинград шәһәренә китеп, медицина институтына укырга керә. 1 957 елда укуны тәмамлап, табиб-педиатр белгечлеген ала. Аннан Улан-Удэ шәһәренә күчеп китә, анда шәһәр хастаханәсендә табиб-педиатр булып эшли. 1960 елда кияүгә чыга. 1971 елда гаиләсе белән Яр Чаллы шәһәренә даими яшәү урынына күченеп килә. Биредә лаеклы ялга чыкканчы Ашыгыч медицина ярдәме хастаханәсендә табиб булып эшли.
Бөек Җиңүнең 76 еллыгын бәйрәм итү хөрмәтенә «Яр буе» паркы мәйданында театральләштерелгән тамаша оештырылды. Анда шәһәрнең профессиональ иҗат коллективлары, университет һәм көллият студентлары, гомуми белем бирү һәм кадет мәктәпләре катнашты.
10 нчы майда Яр Чаллыда алмашынучан болытлы һава торышы көтелә, явым-төшемсез. Җил көньяк-көнчыгыштан секундына 3-8 метр, урыны белән көчәйгәндә 13 метрга кадәр. Минималь һава температурасы төнлә +6..+11˚. Көндез максималь һава температурасы +24..+27˚.
