Единая база вакансий гражданской и муниципальной службы
Смотреть вакансии →
Шәһәр Советы депутаты Леонид Барышев исеменнән Автозавод районында яшәүче 147 ветеранга азык-төлек җыелмалары тапшырылды. Котлау һәм бүләкләрне ветераннарга Автозавод районы хакимияте Башлыгы урынбасары Елена Әлмөхәммәтова һәм депутат ярдәмчесе Наталья Ясюченя тапшырдылар.
Валентина Андреевна Соснина , Гөлсинә Әхмәтхан кызы Асылгәрәева һәм Мәйсәрә Галимулла кызы Моратхуҗина 90 яшьлек юбилейларын билгеләп үтәләр. Юбилярларга РФ Президенты Владимир Путин , Яр Чаллы мэры Наил Мәһдиев , ТР Дәүләт Советы депутаты Марсель Мингалимов исеменнән котлау һәм бүләкләрне Комсомол районы Башлыгы урынбасары Эльвира Вәлиева тапшырды.
Үзәк районы хакимияте, «Электротранспорт» ҖЧҖ белән берлектә, Бөек Ватан сугышында Җиңүнең 76 еллыгына багышланган чаралар кысаларында, гадәттәгечә, "Зәңгәр трамвай - Җиңүне каршылап" традицион акциясен оештырды.
Агымдагы елның апреленнән "Демография" илкүләм проекты кысаларында "Сиделка" проекты старт алды. Яр Чаллыда, дәүләт гранты ярдәме белән, әлеге проектны Автоном коммерцияле булмаган оешма - "Содействие" үзәге тормышка ашыра. Үзәк хезмәткәрләре сиделка хезмәтенә мохтаҗ булган өлкәннәргә һәм инвалидларга гигиена процедуралары үткәрәләр, көнкүрештә булышалар. Сиделка вазыйфасына азык-төлекне сатып алу һәм китерү, азык әзерләү, ашату, дару бирү дә керә.
Комсомол районында Бөек Ватан сугышында Җиңүнең 76 еллыгын бәйрәм итүгә әзерлек буенча актив эш алып барыла. Бүгенге көндә биредә Бөек Ватан сугышында катнашкан 14 ветеран, концентрацион лагерьларның 10 тоткыны, Ленинград блокадасын кичергән 2 ветеран һәм 472 тыл хезмәтчәне яши.
