Единая база вакансий гражданской и муниципальной службы
Смотреть вакансии →
Яр Чаллының 71 микрорайонындагы «Залесный» фельдшер-акушерлык пунктында яктылык һәм газ үткәрделәр. С у белән тәэмин итү челтәрләрен монтажлау башкарылды - якын арада яңа медицина учреждениесендә су барлыкка киләчәк.Т өзелеш-монтаж эшләре 100%ка үтәлгән. Яңа җиһазлар китерелгән. Якындагы территорияне төзекләндерү тәмамланды. Яңа ФАП файдалануга тапшырылырга әзерләнә.
Россия Федерациясенең моношәһәр фондында моңа кадәр процентсыз займ алган «Челны Холод» ААҖнең иң эре туңдырма җитештерүчеләренең берсе (хәзер барлык функцияләр дә ВЭБ.РФгә тапшырылган) туңдырма цехының җитештерү куәтен арттырган. Бу максатларга 250 млн сум бүлеп бирелгән. Инвестицион проектны тормышка ашыру нәтиҗәләре буенча моношәһәр икътисадына 1,3 млрд сумнан артык акча җәлеп ителгән.
Комсомол районында Бөек Ватан сугышы ветераны Хаҗибика Хафиз кызы Баһавиева 90 яшьлек юбилеен билгеләп үтә. Россия Федерациясе президенты Владимир Путин, Чаллы шәһәре мэры Наил Мәһдиев исеменнән юбилярга Комсомол районы администрациясе башлыгы вазыйфаларын башкаручы Фидарис Хәбибуллин һәм «Балкыш» территориаль иҗтимагый җирле үзидарә рәисе Татьяна Саунина котлаулар һәм бүләкләр тапшырдылар. Хаҗибикә Хафиз кызы ТАССРның Балык Бистәсе районы Балыклы Чүкәй авылында туган. 8 сыйныф тәмамлаган. Сугыш елларында колхозда авыл хуҗалыгы эшләрендә эшли. 1949 елда Казанга күчеп килә.
Татарстан Республикасы Яр Чаллы шәһәре волейбол федерациясе, коммерцияле булмаган оешмаларда балалар һәм яшьләр өчен социаль әһәмиятле проектларны тормышка ашыру кысаларында Татарстан Республикасы бюджетыннан оештырылган грантлар конкурсының «Татарстан Республикасы халкы арасында наркоманияне профилактикалау» номинациясендә җиңүче булды. Конкурс кысаларында "Синең волейбол" профилактик чаралар комплексы проекты, 450 000 мең сум күләмендә тормышка ашырылачак. Аңа Яр Чаллы шәһәре студентлары арасында волейбол буенча ярышлар оештыру һәм уздыру, студентлар өчен профилактик чаралар сериясе керәчәк: сәламәт яшәү рәвеше темасына студентлар белән халык арасында наркоманияне профилактикалау календарьлары һәм брошюраларын өләшеп очрашулар узачак, шулай ук сәламәт яшәү рәвеше темасына видеоролик әзерләнәчәк.
«Мәдәният» тармагының башлангыч профсоюз оешмалары әгъзалары арасында «Минем әнием – иң яхшысы!» конкурсына старт бирелде. Конкурсны Яр Чаллы мәдәният хезмәткәрләре профсоюзы шәһәр комитеты ярдәме белән 1нче балалар сәнгать мәктәбе оештыра. Чараның максаты хатын-кыз статусын һәм ана ролен күтәрү, гаиләне ныгыту; балалар һәм яшүсмерләрдә сәнгать иҗатының мөһимлегенә игътибарын җәлеп итү, мәдәни традицияләрне, рухи һәм гаилә кыйммәтләрен саклау; талантларны ачыклау, аларны күтәрү һәм бүләкләү, аларга иң яхшы иҗади эшләрен күрсәтергә мөмкинлек бирү.
