Халыклар дуслыгы проспектыннан Хәсән Туфан проспектына кадәр иң проблемалы участокны яңарту «Куркынычсыз һәм сыйфатлы автомобиль юллары» проекты кысаларында тормышка ашырыла.
Автомобиль юллары предприятиесе 45%ка эшен башкарган. Борт ташларын демонтажлау, асфальт-бетон катламын фрезерлау, тышкы яктырту баганалары өчен һәм парковка кесәләренә нигез салу буенча эшләр тәмамланган.
Хәзерге вакытта тышкы яктырту баганаларын урнаштыру, асфальт-бетон катламының тигезләү катламын җәю һәм борт ташларын төзекләндерү эшләре бара.
Контракт буенча эшләрне тәмамлау срогы-октябрьдә, әмма юл төзүчеләр капремонтны иртәрәк төгәлләргә планлаштыралар.