Бүген «Энергетик» мәдәният сараенда ашыгыч медицина ярдәме станциясенең 70 еллыгына багышланган тантаналы чара узды.
Медицина хезмәткәрләрен бәйрәм белән муниципаль берәмлек башлыгы урынбасары Ирина Сәгыйдуллина һәм Татарстан Республикасы Сәламәтлек саклау министрының беренче урынбасары Альмир Абашев котлады.
Шәһәр хакименең Мактау грамотасы белән Екатерина Петрова бүләкләнде. Башкарма комитет Рәхмәте белән Альбина Вәлимөхәммәтова, Шалва Катапариашвили, Ленар Маликов, Фәридә Тимирова, Светлана Пучкова, Людмила Шәрипова бүләкләнде.