31 майга кадәр 2024 елда төзекләндереләчәк җәмәгать киңлекләре һәм ишегаллары өчен тавыш бирү уза. Сораштыру gorodsreda.ru һәм pos.gosuslugi.ru/lkp/ сайтларында үткәрелә. 14 яшьтән өлкәнрәк булган һәр кеше теге яки бу иҗтимагый киңлек яки ишегалды территориясе өчен үз тавышын бирә алачак.
Мәсәлән, чаллылыларга түбәндәге вариантлардан сайларга тәкъдим итәләр: Ф.Табеев ис.яр буе паркы (2 чират), Г. Тукай ис. яр буе(4 чират), Яр буе паркы (3 этап), Мәдәният һәм ял паркы (3 чират), 64 нче микрорайондагы парк, Җәмигъ мәчете янындагы мәйдан, «Чаллы Яр» бистәсендәге күл буе территориясе, 69 нчы микрорайондагы сквер.