Кечкенә чаллылылар һәм аларның ата-аналары өчен "Капитошка" Яр Чаллыдагы иң уңышлы социаль юнәлешле проектларның һәм чараларның берсе булып тора.
Бәйрәм ел саен Җиңү паркында үткәрелә. Быел да биредә күңелле концерт программасы, балалар табибларында бушлай консультацияләр алу мөмкинлеге булган зоналар оештырылды.
Бәйрәмдә тел мәктәпләре, балалар иҗади һәм инновацион үсеш үзәкләре белгечләре үз хезмәтләрен тәкъдим итте. Нәни кунаклар робот техникасында, чит телне өйрәнүдә, рәсем ясауда яки көрәштә үз сәләтләрен сынап карый алды.
Балаларны бәйрәм белән Башкарма комитет җитәкчесе урынбасары Наталия Кропотова, район Хакимияте Башлыгы Винер Харисов, Сәүдә-сәнәгать палатасы гендиректоры Фәрит Бәшәров котладылар.