Яр Чаллыда Яр буе паркын төзекләндерү буенча фикер алыштылар. Парк территориясенең ял итү зонасында – шәһәр читендәге зур яшел массивта планлаштырыла торган үзгәрешләрне җәмәгатьчелеккә тәкъдим итү узды. «Архитектура десанты» архитекторлары инфраструктураның уңайлы якка үзгәрәчәген ассызыкладылар: керү юлында зур җәяүлеләр тротуары барлыкка киләчәк, мәйданчыклар яшь һәм мәнфәгатьләр буенча төрләргә бүленәчәк, шулай ук теренкур зонасы оештырылачак.
«Архитектура десанты» архитекторлары яр буен берничә этап дәвамында төзекләндерергә планлаштыралар, беренчесенә тиздән, җылы һава торышы урнашкач, керешәчәкләр.