Единая база вакансий гражданской и муниципальной службы
Смотреть вакансии →
Яр Чаллы республиканың социаль-икътисади үсешенә зур өлеш кертә, бүген шәһәр тулаем төбәк продуктының (ВРП) 9 процентын формалаштыра, республика сәнәгый продукциясенең 12 проценттан артыгын җитештерә, дип белдерде Татарстан Республикасы Рәисе Рөстәм Миңнеханов. Бу турыда ул Чаллы шәһәр советының йомгаклау сессиясендә әйтте.
Ашыгыч медицина ярдәме хастаханәсенең баш табибы, Чаллы шәһәр Советы депутаты Марат Мөхәммәдиев Татарстан Рәисе Рөстәм Миңнехановка шәһәрнең 5нче хастаханәсенең яңа бинасы проекты эшләрен финанслауны хуплауны сорап мөрәҗәгать итте.
Бүген Чаллыда шәһәр халкының 55 % даими рәвештә спорт белән шөгыльләнә. Моңа шәһәрдә булдырылган инфраструктура һәм шәһәрдә уза торган төрле ярышлар да ярдәм итә. Узган ел 270тән артык Бөтенроссия, республика һәм шәһәр ярышлары үткәрелде, иң массалы ярышлар – «Татарстан кроссы», «Татарстан чаңгы юлы» һәм «Кама чаңгы марафоны».
Транспорт министрлыгы ярдәме белән Яр Чаллыда юл челтәрен үстерү һәм ремонтлау дәвам итә. Бу юл-транспорт һәлакәтләре концентрациясенең ун урынын бетерергә, шулай ук шәһәрдә авариялелекне 6,5% ка киметергә мөмкинлек бирде, – Шәһәр советы хисап утырышы барышында шәһәр мэры Наил Мәһдиев әнә шундый мәгълүматлар китерде.
"Безнең ишегалды" программасы кысаларында юл катламын алыштыру, яктырту эшләре, эскәмияләр, чүп савытлары алмаштырыла, яңа балалар мәйданчыгы булдырыла. Барлык проектлар да халык белән килешү уза.
