Единая база вакансий гражданской и муниципальной службы
Смотреть вакансии →
Кече һәм урта бизнес шәһәр өчен өстенлекле юнәлеш булып кала. Кече һәм урта эшмәкәрлек субъектлары әйләнеше 8%ка үсеп, 736 млрд сумга тәшкил итә. Аеруча мөһиме – кече һәм урта эшмәкәрлек гомум әйләнешендә сәнәгать җитештерүе өлеше 2015 елдагы 17%тан 2025 елда 31,5%ка кадәр артты. Эшмәкәрләр дәүләт ярдәмен актив файдалануын ассызыклады Наил Мәһдиев:
Шәһәр Советының алтынчы утырышында Наил Мәһдиев , катлаулы икътисади вәзгыятькә карамастан, Яр Чаллы сәнәгатенең тотрыклылык күрсәтүен билгеләп үтте. Предприятиеләр ихтыяҗ зур булган, көндәшлеккә сәләтле продукция чыгарып, җитештерү күләмен арттыра. Мэр аерым рәхмәт сүзләрен дәүләт заказы параметрларын үз вакытында үтәүче оборона‑сәнәгать комплексы предприятиеләренә җиткерде.
Шәһәр мэры Наил Мәһдиев Шәһәр Советының алтынчы утырышын ачып, быел Яр Чаллы инфраструктура проектларын гамәлгә ашыру, инвестицияләр җәлеп итү һәм яңа эш урыннары булдыру юлы белән динамик рәвештә үсә дигән ышаныч белдерде. Барлык буын чаллылыларының бу иҗат хезмәте Татарстан икътисадена мөһим өлеш кертә.
Бүген Яр Чаллыда Шәһәр Советының йомгаклау сессиясе узачак. Башланыр алдыннан «Мастеровые» рус драма театры бинасы янындагы мәйданчыкта машина төзелешенең яңа казанышларын һәм тармакларның үсеш перспективаларын күрсәтүче техника, товарлар күргәзмәсе оештырылды. Эш нәтиҗәләрен 21 Яр Чаллы компаниясе тәкъдим итте.
«Бу Яр Чаллы шәһәре өчен кирәкле һәм яхшы символ. Ул безгә тагын бер кат легендар КАМАЗлар башкаласында яшәвебезне искәртә. Без аларны яратабыз, алар белән горурланабыз һәм илебез киңлекләрендә хезмәт итүче искиткеч автомобильне булдырган беренче төзүчеләргә зур рәхмәт әйтәбез» , — дип билгеләп үтте шәһәр мэры Наил Мәһдиев.
