Гадәттәгечә Сабан туеның концерт программасына меңләгән чаллылылар һәм шәһәр кунаклары җыелды. Бәйрәм чарасын Алинә Вәлиева һәм Ришат Хаҗиев алып бардылар.
«КАМАЗ» ААҖ ярдәме белән «Яр буе» паркы мәйданында заманча ут һәм тавыш җайланмалары урнаштырылды.
Тамашачылар татар эстрадасының популяр йолдызлары Филүс Каһиров, Илмира Нәгыймова, Гөлнара Тимерҗанова, Лилия Хәйруллина, Марат Яруллин, Рәдиф Зарипов, Әлфинә Әзһәмова, Салават Миңнеханов һәм Гүзәлем башкаруындагы җырларны тыңладылар.
Концертның төп кунаклары – Татарстан Республикасының халык артисты Гүзәл Уразова һәм Татарстан Республикасының атказанган артисты Илдар Хәкимов. Алар тамашачыларның яраткан татар җырларын башкардылар.
Сабан туеның финал ноктасы буларак бәйрәм салюты гөрләде.