Шәһәр хакимиятендә юл хәрәкәте иминлегенә багышланган киңәшмә узды. Анда Чаллы Дәүләт автоинспекциясе җитәкчесе Радий Кадиков 2024 елга нәтиҗә ясады.
2024 елда Яр Чаллы шәһәрендә 487 юл-транспорт һәлакәте булды. Анда 10 кеше һәлак булды, 577 кеше төрле дәрәҗәдәге җәрәхәтләр алды.
Аварияләр саны 2023 елга караганда 8,7 процентка, яралылар саны 4,2 процента артты һәм үлем очраклары 23 процентка кимеде.
16 яшькә кадәрге балалар катнашында 82 юл-транспорт һәлакәте булды. Бер бала һәлак булды, 88 бала төрле дәрәҗәдә яраланды. Үлем очракгы 2023 ел дәрәҗәсендә. Юл һәлакәте саны 11, 8 процентка, яраланучылар 9,2 процентка кимеде.