Шәһәр мэры Наил Мәһдиев җылылык бирү буенча эшне тәүлек буе башкарырга кирәклеген билгеләп үтте. "Идарәче компанияләр һава кудырту стоякларын оператив рәвештә эшкәртәчәк, өч көн дәвамында җылылык биреләчәк", - дип билгеләп үтте Шәһәр хуҗалыгы һәм халык яшәешен тәэмин итү идарәсе башлыгы Илдар Гайнуллин.
Хәзерге вакытта мәдәният, спорт, мәгариф учреждениеләренә җылылык бирелгән. Шәһәр башлыгы Наил Мәһдиев ассызыклавынча, кичке вакытта җылылык бирү эшләрен аеруча игътибар белән башкарырга кирәк. "Бүген торак фонд объектларының 23-30%на җылылык биреләчәк", - дип билгеләде ул.