Единая база вакансий гражданской и муниципальной службы
Смотреть вакансии →
Чаллыда конфессияара һәм милләтара мөнәсәбәтләр темасы буенча Шәһәр Советы депутатлары «Чишмә» халыклар дуслыгы йортында фикер алыштылар. Утырышка кадәр Мәгариф, мәдәният, милли мәсьәләләр, яшьләр эшләре һәм спорт буенча даими комиссия әгъзалары масштаблы реконструкция үткәрелгән «Чишмә» халыклар дуслыгы йорты бинасын карадылар.
Яр Чаллы дәүләт курчак театры фойесында 1нче балалар сәнгать мәктәбе укучыларының «Буяулардагы театр» күргәзмәсе уза.
22 октябрьдә Яр Чаллыда «Без бер агач тармаклары» ТР фин-угор халыклары фестивале узачак. Фестиваль кысаларында 10:30 сәгатьтә Татарстан Республикасы һәм Россия төбәкләре этномәдәни һәм фәнни җәмгыятьләре вәкилләре катнашында «Татарстанның фин-угор халыкларының мәдәни мирасы: саклау һәм үстерү» темасына түгәрәк өстәл узачак. Фестивальнең төп вакыйгалары «Энергетик» мәдәният сараенда башлана, анда 13:00 сәгатьтә фестивальнең концерт программасы үтәчәк. Тантаналы чарада катнашучылар һәм кунаклар Татарстан һәм Россия төбәкләре фин-угор халыкларының иҗат коллективлары һәм башкаручылары булачак. Фестивальнең махсус кунаклары: Удмурт дәүләт «Айкай» фольклор җыр һәм бию театры, "Марий Эл" дәүләт бию ансамбле, "Мари кундем" халык уен кораллары оркестры, "Агыйдел" дәүләт җыр һәм бию ансамбле, "ZAKARIA" фольклор төркеме.
Иртәгә, чәршәмбе көнне, Чаллыда болытлы һава фаразлана. Көндез кыска вакытлы яңгыр. Җил көньяк-көнбатыштан, көнбатышка үзгәрүчән секундына 6-11 м тизлектә, урыны белән 14 метрга кадәр. Төнлә минималь һава температурасы +4..+6˚. Көндез максималь һава температурасы +6..+8˚.
Чаллының 86 нчы «Өмет» интернат-мәктәбе «Үтәли белем бирү траекторияләре» Бөтенроссия грант проектлары конкурсында катнашты. Конкурска илебезнең 79 төбәгеннән 1850 гариза килгән. Проект «Сәламәтлек» номинациясендә җиңде һәм аны тормышка ашыру өчен 500 мең сумлык грант алды. Ул мәктәп территориясендә физик культура һәм спорт белән шөгыльләнү аша инвалид балаларның сәламәт яшәү рәвешен үстерүгә һәм популярлаштыруга юнәлдерелгән.
