Үзәк шәһәр китапханәсе җәйге уку залын ача, шул уңайдан һәр чәршәмбе теләге булган һәр кеше 15.00 сәгатьтән 17.00 сәгатькә кадәр гаиләсе белән вакытны файдалы һәм күңелле итеп үткәрә ала.
Уку залында китаплар гына түгел, ә төрле мастер-классларда, уеннарда, конкурсларда һәм викториналарда катнашу мөмкинлеге дә булачак.
Җәйге уку залы иң яхшы ял итү урынына әвереләчәк. Монда сез яраткан китапларыгызны укый аласыз, яисә үзегез өчен кызыклы һәм файдалы мәгълүмат ала аласыз. Очрашулар Үзәк шәһәр китапханәсе каршында үткәрелә.
Программаны һәм тематик мәйданчыкларны үткәрү вакытын сайтта күзәтеп барырга була: https://библиотека-челны.рф.