Наил Мәһдиев Шәһәр Советының хисап сессиясе барышында төзелеш тармагының эш нәтиҗәләре турында сөйләде. Ул узган елда Чаллыда 31 күп фатирлы торак йорт төзелүен искәртте. Быел шәһәрдә тагын 310 мең кв.м. торак төзелергә тиеш, бу 32 күпфатирлы йорт, шул исәптән социаль ипотека буенча дүрт йорт (шәһәрнең 63 һәм 69 микрорайоннарында).
2022 елда социаль һәм мәдәни өлкә объектлары төзелде, реконструкцияләнде, капиталь ремонтланды һәм төзекләндерелде, гомуми суммасы 11 млрд.сум, 2021 ел белән чагыштырганда, төзелешкә бирелгән рөхсәтләр саны 20% ка артты. Бу Чаллының шәһәр төзелеше потенциалы турында сөйли.