Яр Чаллы шәһәренең мәктәпкәчә белем бирү учреждениеләре соңгы өч елда федераль һәм республика дәрәҗәсендә 50 млн сумнан артык грант отты. Чираттагы җиңүче 75 нче «Гвоздичка» балалар бакчасы булды. Балалар бакчасы социаль юнәлешле коммерциячел булмаган оешмаларга ярдәм күрсәтү буенча Республика ресурс үзәге оештырган гражданлык җәмгыятен үстерүгә Татарстан Республикасы грантларын бирү конкурсында җиңде. Хәзер балалар бакчасында интерактив скалодром барлыкка киләчәк. Ул мускул тукымаларын ныгыту, мәктәпкәчә яшьтәге балаларда хәрәкәтләрне координацияләү чарасы буларак куелачак.
Шулай ук бакчада Яр Чаллы педагогия көллияте студентлары өчен «Балалар бакчасында музыкаль дәреснең эчтәлеге һәм структурасы» темасына семинар үткәрелде.