Яшь чаллылылар асфальттагы рәсемнәрен Пушкин иҗатына багышладылар
"Нур" яшьләр үзәге территориясендә Пушкин иҗатына багышлап, асфальтта рәсем ясау конкурсы узды. Чара Халыкара рус теле көненә һәм Россиядә Пушкин көненә багышлана.
Новости
Новости
-
-
"Мәгариф" илкүләм проекты кысаларында мәктәп төзелеше план буенча бара
Дәүләт Думасы депутаты Әлфия Когогина 34 нче микрорайондагы 1501 укучыга исәпләнгән мәктәп төзелеше барышы белән танышты. "Мәгариф системасын үстерү, мәктәпләр һәм балалар бакчалары төзү – «Бердәм Россия» халык программасының мөһим өлеше. Мәгарифнең уңайлылыгын һәм аның сыйфатын сорау һәрвакыт безнең гражданнарның мөрәҗәгатьләре башында тора һәм шуны танырга кирәк, соңгы 10 елда минем округта капиталь ремонт программасын гамәлгә ашыру һәм мәктәпләр, балалар бакчалары төзү бик уңышлы һәм нәтиҗәле бара. Монда иң мөһиме - уңай үзгәрешләр темпын киметмәү һәм үсешне дәвам итү. Үз чиратында, мин барлык социаль әһәмиятле инициативаларны хупладым, аларга ярдәм итәчәкмен һәм бу мәсьәләне контрольдә тотачакмын", – дип аңлатма бирде депутат.
-
Чаллы активистлары "Озын тәнәфес" фестивалендә булдылар
Халыкара балаларны яклау көнендә ВДНХ үзәк аллеясы "Озын тәнәфес" балачак һәм яшьлек фестивале мәйданчыгына әверелде. Анда 8 меңнән артык кеше катнашты: Россия мәктәп укучылары хәрәкәтендә, «Юнармия»дә һәм башка балалар һәм яшьләр оешмаларында катнашучылар, педагог-укытучылар һәм ата-аналар, «Хорлар көрәше» проектында һәм кастингларда катнашучылар, шулай ук Россиянең әйдәп баручы компанияләре вәкилләре һәм фән, мәдәният, мәгариф, спорт, волонтерлык һәм эшмәкәрлек өлкәсендә экспертлар. Шул исәптән өч Чаллы кызы, «Орион» яшьләр үзәге активистлары: Елизавета Девятова, Камилә Юнысова һәм Алинә Зыятдинова.
-
Студентлар өчен янгын сүндерү күнегүләре
Кичә Чаллы шәһәре халык фронтының яшьләр командасы («Орион» яшьләр үзәге) Россия гадәттән тыш хәлләр министрлыгының ТР буенча Баш идарәсе белән берлектә янгын вакытында үз-үзеңне тоту кагыйдәләре һәм беренче медицина ярдәме күрсәтү буенча мастер-класс үткәрде. Мастер-класс шәһәрнең «Волонтерлар мәктәбе 2023» проекты кысаларында уздырыла. Укулар барышында беренчел янгын сүндерү чараларын, янгынга каршы көрәшнең заманча ысулларын куллану, кешеләрне эвакуацияләү һәм авария-коткару эшләрен үткәрү күнекмәләре үтәлде.
-
Быел Татарстанда электросамокатлар катнашында 14 юл-транспорт һәлакәте булган
2022 ел нәтиҗәләре буенча РФ территориясендә аз куәтле электр хәрәкәт итү чаралары һәм аларда зыян күргән кешеләр катнашында юл-транспорт һәлакәтләре санының 49% ка артуы билгеләнә. Быел Татарстан Республикасында 14 юл-транспорт һәлакәте булган, аларда 14 кеше зыян күргән. 13 юл-транспорт һәлакәте Казанда, бер очрак - Әлмәттә булды.
