Халыкара музейлар көнендә, Г. М. Хәкимова исемендәге Яр Чаллы картиналар галереясенең кече залында Татарстан Республикасының атказанган сәнгать эшлеклесе, Россия һәм Татарстан Рәссамнар берлеге әгъзасы, ТР Язучылар берлеге әгъзасы Хәмит Латыйповның "Таныш мотивлар" исемле шәхси күргәзмәсе ачылды. Күргәзмә 11 июньгә кадәр дәвам итәчәк. Чарада рәссам Алабуга мәдәният һәм сәнгать көллияте студентларының автор эскизлары буенча башкарган эшләрен тәкъдим итте.