Яр Чаллыда юбилярлар парады – 60, 55 һәм 50 ел бергә яшәгән парларны котлау тантанасы узды. "Безнең Яр Чаллыда гаилә тормышы юбилярларын хөрмәтләү традициясе барлыкка килде. Тантаналар сараенда җылы атмосферада балалар, оныклар һәм оныкчыклар белән бергә бүген бриллиант, зөбәрҗәт, алтын юбилярлар-шәһәребезнең хөрмәтле гаиләләре, лаеклы хезмәт юлы үткән, матур балалар тәрбияләгән парларны хөрмәтлибез", - дип уртаклашты Россия Федерациясе Дәүләт Думасы депутаты Әлфия Когогина. Юбилярларга Дәүләт Думасы депутаты һәм шәһәр мэры Наил Мәһдиев исеменнән истәлекле бүләкләр тапшырылды. Шәһәр иҗат коллективлары чыгышлары тантананың күңелле өстәмәсе булды.