21 майда «Волейбол шәһәре» партия проекты кысаларында Г.Тукай исемендәге үзәк пляжда волейбол буенча җәйге пляж сезоны ачылачак. Катнаш өлкәннәр командалары арасында пляж волейболы буенча турнир оештырылачак. Уеннар 10:00 сәгатьтә башлана. Турнирга Чаллы, Казан, Түбән Кама, Минзәлә, Нефтекамск һәм Уфа шәһәрләреннән барлыгы 20 команда киләчәк. Уеннар барлык кирәкле әйберләр белән җиһазландырылган биш мәйданчыкта узачак.