15 апрельдә 13:00 сәгатьтә Җиңү паркында «Карга боткасы» милли бәйрәме узачак. Бәйрәмдә шәһәр Башкарма комитетының мәдәният идарәсе ярдәме белән «Шонкар» башкорт милли–мәдәни автономиясе һәм «Родник» Халыклар дуслыгы йорты артистлары катнашачак.
Бәйрәм программасында “Гөлнәзирә” халык башкорт ансамбле һәм “Гурляук” башкорт мәдәниятен яратучылар клубы башкаруында йола-бәйрәм сәхнә композициясе. Чаллылыларны башкорт һәм татар башкаручыларыннан якты һәм төсле номерлар, кубыз һәм курайның кабатланмас тавышлары көтә. Бәйрәмдә декоратив-кулланма иҗат эшләнмәләре күргәзмәсе эшләячәк.