“Автомобиль юллары предприятиесе” хезмәткәрләре хәзер шәһәр проспектларында яңгыр коеларын чистарту белән мәшгуль. Эшләр тәүлек дәвамында алып барыла.
«Яңгыр коеларын ачабыз, ягъни аларның өстен кардан чистартабыз. Кар суларының коллекторга агуына бернәрсә дә комачауларга тиеш түгел. Коллектордан су яңгыр насос станциясенә ага. Аннан да суны суыртып торабыз. Көндез дә, төнлә дә эшлибез, - дип әйтте “Автомобиль юллары предприятиесе” директоры Марат Анисимов.