Тавыш бирү көнендә чаллылылар югары активлык күрсәтте. Барлыгы сайлаучыларның 70,74% проценты тавыш бирде. 69,87 процент «Бердәм Россия» партиясе өчен тавыш бирде. Россия Федерациясенең Коммунистлар партиясе – 14,28 процент, «Новые люди» өчен – 7,43 процент, ЛДПР – 4,39 процент, «Справедливая Россия» партиясе – 3,51 процент тавыш җыйды.
Чаллы хакиме Наил Мәһдиев хакимияттә узган аппарат киңәшмәсендә Татарстан Дәүләт Советына депутатлар сайлауда актив катнашкан шәһәрдәшләргә һәм участок сайлау комиссияләрендә эшләүчеләргә рәхмәт белдерде.
«Күпләр гаиләләре белән килде. Бу безнең шәһәр кешеләренең активлыгын дәлилли», – диде ул.