Мәдәният һәм сәнгать ветераннары берлеге Чаллы шәһәре Мәдәният идарәсе ярдәме белән «Бөек Болгар» программасы буенча Болгар шәһәренә бер көнлек экскурсия сәфәре оештырды. Шәһәр мәдәният ветераннары Болгар цивилизациясе музеенда, төрки-татар язуын карап, Коръән залында, Болгар шәһәрчегендә, Ак мәчеттә һәм Иделнең матур ярындагы башка тарихи урыннарда булдылар. Ветераннар Идел Буе Болгарының бай тарихы һәм мәдәнияте белән таныштылар, масштаблы архитектура корылмалары янында булдылар: Ак мәчет, «Җәмигъ мәчете», Хан сарае.