Татарстан Республикасының беренче президенты Минтимер Шәймиев Изге Апостол Андрей Первозванный ордены белән бүләкләнде. Бүләкне Мәскәү Кремленең Екатерина залында Россия президенты Владимир Путин тапшырды.
"Бүген монда, Кремльдә, без Россиянең күренекле гражданнарын хөрмәтлибез, аларның тырышлыгы, батырлыгы, Ватанга фидакарь хезмәте дәүләтебез үсешенә зур, якты өлеш кертә. Сезнең ярдәмегез белән без сокланган һәм горурланган казанышлар тарихы барлыкка килә. Алга таба хәрәкәт итү өчен нигез ныгый", – диде Владимир Путин.