Шәһәр мэры чаллылыларны Социаль хезмәткәр көне белән котлады
Хөрмәтле ветераннар һәм социаль өлкә хезмәткәрләре!
Новости
Новости
-
-
Республика комиссиясе Чаллы ТОРына керергә тиешле ике заявканы карады
Бүген Татарстан Республикасы Министрлар Кабинетында алгарышлы үсеш территорияләрендә эшчәнлек алып бару турында килешүләр төзүгә гаризаларны карау буенча комиссия утырышы узды. Утырышта беренче булып «ТЭСК» компаниясенең «Асфальт-бетон катнашмалары җитештерүне оештыру» инвестиция проектын карадылар. Предприятие «Яр Чаллы» алгарышлы үсеш территориясенең гамәлдәге резиденты булып тора. "Компания базасында юлларны, тротуарларны һәм башка инфраструктура объектларын ремонтлау өчен билгеләнгән асфальт - бетон катнашмалары җитештерелә, шулай ук БСТ бетонын җитештерүне башлау планнары бар", - дип билгеләп үтте компания директоры Артем Капустин.
-
КБМҮдә тантаналы рәвештә яңа туган баланы каршылау узды
Бүген КБМҮдә тантаналы төстә яңа туган сабыйны өенә озаталар. Хәрби хезмәткәр гаиләсендә уллары туды. Ул- өченче бала булып дөньяга килде. Балага Раян дигән көчле исем сайлаганнар. Раяннан кала гаиләдә тагын ике бала тәрбияләнә: олы кызлары Элина һәм уртанчы уллары Ранил. Гаилә тормышындагы бәхетле вакыйга белән котларга бала тудыру йортына Башкарма комитет җитәкчесе Фәрид Салахов килде. "Шәһәр мэры Наил Мәһдиев исеменнән әти-әниләргә 100 мең сум бүләк итү рәхәт һәм күркәм күренеш. Мондый мизгелләрдә үзеңне ниндидер зур көчнең бер өлеше итеп хис итәсең. Нәкъ меә шул вакытта көчебезнең бердәмлектә һәм үзара ярдәм итүдә булуын тоясың. Зур, тату гаиләбезгә рәхим итегез", - дип яшь әти-әнине котлады Фәрид Салахов. акча тапшырылды.
-
Чаллы шәһәр яны лагерьларын куркынычсызлыкка гына түгел, ял сыйфаты ягыннан да тикшерәләр
Җәйге ялны оештыру буенча ведомствоара комиссия әгъзалары шәһәр читендәге лагерьларда балаларның ялын оештыру мониторингын үткәрә. Балаларның куркынычсызлык кагыйдәләрен үтәү, ял итү чараларын оештыру сыйфаты, тукланудан канәгатьлек һәм башка күп нәрсәләр тикшерелә. Яр Чаллыда балаларның «Саулык» дәвалау-сәламәтләндерү комплексы, «ЗАО КамАЗжилбыт»тан ял итү оештырылган: «Звездный»; «Солнечный», «Крылатый»; «Росинка»; «Бумажник» Картон-кәгазь комбинаты; «Солнышко» («Радуга» профилакториесе). Җәй көне шәһәр читендәге сәламәтләндерү лагерьларында Луганск Халык Республикасыннан 500гә якын бала ял итәчәк һәм сәламәтлекләрен яхшыртачак. Беренче сменага шулар арасыннан 140 бала килгән. "Радуга" шифаханәсенең генераль директоры Дмитрий Синтишевский лагерь базасында төрле типтагы 5 смена оештырылачагы турында хәбәр итте: спортчылар, дәваланучы балалар, иҗади юнәлеш буенча. "Балалар өчен 5 тапкыр туклану оештырылган, шул исәптән" полдник" һәм "кефир сәгате". Меню 14 көнлек, туклыклы, төрле-төрле, барысы да балалар ризыктан канәгать булсын өчен эшләнгән, - дип сөйләде ул һәм ата-аналар еш кына тыелган продукция җибәрәләр, аны озак сакларга ярамый, бу авыруларга китерергә мөмкин дип аңлатты: -Еш кына ата-аналар литрлы соклар җибәрәләр, аларны суыткычсыз сакларга ярамый, ә ит продукциясенең нинди куркыныч тудыруы турында әйтеп тә торасы юк". Шуның өчен тыелган ризык җыеп алына һәм юк ителә.
-
Чаллыда физик мөмкинлекләре чикләнгән кешеләрнең проблемалары турында фикер алыштылар
«Адымнар» полилингваль гимназиясендә «Сәламәтлек буенча мөмкинлекләре чикләнгән кешеләргә комплекслы ярдәм күрсәтү: Чаллы шәһәре муниципаль берәмлеге мисалында бурычлар һәм хәл итү юллары»дигән түгәрәк өстәл узды. Ч арада физик мөмкинлекләре чикле затларга ярдәм итү чаралары турында фикер алыштылар, шәһәр тормышының төрле өлкәләрендәге әлеге мәсьәлә буенча эшчәнлеккә йомгак ясадылар. Татарстан Республикасы Хезмәт, халыкны эш белән тәэмин итү һәм социаль яклау министрлыгының Чаллы муниципаль берәмлегенең социаль яклау идарәсе башлыгы Ирина Скрябина инвалидлар өчен ташламалар, социаль гарантияләр, түләүләр һәм пособиеләр бирү нәтиҗәләре белән уртаклашты.
