Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллы шәһәрендә Дәүләт статистикасы бүлеге хәбәр итә, 2021 елның 4 февраленнән ncelny@tаtstat.ru электрон адресына хатлар кабул итү ябылачак. Яңа электрон адрес: p16_nchelny@gks.ru.
Пенсия фонды идарәсе хәбәр иткәнчә, 1 февральдән социаль түләүләр арта. Көтелгән 3,7% урынына алар 4,9 %ка индексацияләнгән. Сүз инвалидларның, сугыш хәрәкәтләре ветераннарының, радиациягә дучар булган кешеләрнең, Советлар Союзы һәм Россия геройларының, Социалистик Хезмәт Геройларының һәм кайбер башка гражданнар категорияләренең айлык акчалата түләүләрен арттыру турында бара. Хәзерге вакытта Чаллыда социаль түләүләрне 37 меңнән артык кеше ала.
"2020 ел ЗАГС идарәсе өчен киеренке эшләрнең темпы һәм күләме, шартлары буенча иң авыры булды, ил җитәкчелеге куйган бурычларны хәл итәргә туры килде", - дип билгеләп үтте иртәнге киңәшмәдә Чаллы ЗАГС идарәсе башлыгы Равилә Зарипова.
Узган ел чаллылылар яңа туган балалар өчен 900гә якын исем кулланган. Иң популяр хатын-кыз исемнәре: София, Әминә, Ева, Ясмина, Алисә, Амелия. Ир-атлар исемнәре арасында Тимур озак вакытлар лидер булып санала, шулай ук исемнәр топына Әмир, Марк, Артем, Кәрим, Максим керде. 2020 елда Ева һәм Марк рейтингта өченче урынга күтәрелделәр.
2020 елда Яр Чаллыда 6736 бала туган. Елдан-ел малайлар күбрәк туа. Аларның саны 3437 кеше тәшкил итте. Туучылар санының иң күбе июнь аена туры килгән, ул чорда 617 бала туган. Гыйнвар аенда балалар саны иң аз күрсәткечне тәшкил итә – 500 кеше туган. Иң кечкенә сабый авырлыгы – 620 грамм.
