Единая база вакансий гражданской и муниципальной службы
Смотреть вакансии →
Бүген шәһәр мэриясендә төзелеш компанияләре белән берлектә «Smartcitylab» акселераторы кысаларында күчемсез милек белән алыш-бирешләрне тормышка ашырганда төзелеш тармагын цифрлаштыру, электрон хезмәттәшлек бурычларын хәл итүгә юнәлтелгән И ннополис махсус икътисадый зонасы резидентлары белән хезмәттәшлек буенча эшлекле киңәшмә узды.
Бүген, Конституция көнендә, Тантаналар сараенда Наил Мәһдиев күренекле белгечләргә дәүләт бүләкләре һәм яшь чаллылыларга паспортлар тапшырды. Россия Федерациясенең төп законына багышланган көнне үз тормышларында иң мөһим документны Чаллы яшьләре алды. Бүләкләү тантанасы башланыр алдыннан шәһәрнең артистлары һәм иҗат коллективлары чыгыш ясады. «Без илебез белән горурланабыз һәм аны яратабыз, илебезнең төп законы ярдәмендә эшли алган Ватаныбызны кадерлибез һәм саклыйбыз. Бүген, Россия Федерациясе Конституциясе көнендә бу залда үз хезмәтләре, үзләренә йөкләнгән вазыйфаларга намуслы карашлары белән илне матуррак һәм уңайлырак итәр өчен барысын да эшләүче кешеләр җыелды. Сез – республикабызның, шәһәребезнең иң яхшы кешеләре, бүген иң югары рәхмәт сүзләренә һәм танылуга лаек», - диде Наил Мәһдиев.
Үзәк районның коммуналь хезмәтләре тарафыннан кар чистарту эшләре актив башкарыла. 6нчы комплекс тротуарларын чистарту эшләре «Электротехников» идарәче компаниясе көче белән алып барыла, «Ремжилстрой» идарәче компаниясе хезмәткәрләре 17 һәм 18 комплекс янындагы территориянең зур өлешен чистарттылар. "Мәхәллә" идарәче компаниясе 39 һәм 41 комплекста эш алып бара, анда ишегалларының төп өлеше кардан чистартылган. "Паритет" идарәче компаниясе хезмәткәрләре тарафыннан 43,45нче комплекслары йорт яны территориясенең зур өлеше кардан арындырылган.
Шәһәр мэры Наил Мәһдиев аппарат киңәшмәсе барышында мобилизацияләнгән гаиләләргә әхлакый, матди ярдәм күрсәтү эше дәвам итәчәген хәбәр итте. Балалар бакчалары һәм мәктәпләрдә туклану өчен түләүдән тыш, яңа туган сабыйларга финанс ярдәме дә күрсәтелә - кечкенә чаллылыларның әниләренә йөз мең сум акча түләнә. Моннан тыш, Чаллы гуманитар ярдәм партиясен формалаштыра - хәзер аны туплау бара. Рөстәм Гатин командасы волонтерларына хезмәт хакларын түләү өчен акча бүлеп биреләчәк - алар хәзер Лисичанскида эшлиләр. «Без аларга матди ярдәм күрсәтәчәкбез, хезмәт хакы түләячәкбез. Яңа елга кадәр йөкне туплап җибәрү өчен өстәмә рәвештә сатып алырга кирәк булган җиһазлар исемлеге буенча килештек. Бу миссияне дәвам итү өчен барлык финанс ресурсларны табачакбыз, башкача була алмый», - дип ышандырды шәһәр мэры Наил Мәһдиев.
Комсомол районында, мөмкинлекләре чикле кешеләр декадасы кысаларында, хәйрия чарасы уздырылды. Анда районның 30 кешесе катнашты. Аларның һәркайсына билгеле бер кибеттән биш мең сумга өс һәм аяк киеме сайлап алу мөмкинлеге бирелде. Акциядә катнашучылар өчен чәй табыны да оештырылды. Чара Комсомол районы администрациясе һәм «Комсомол районы инвалидлар җәмгыяте» иҗтимагый оешмасы тарафыннан үткәрелде.
