Граждан һәм муниципаль хезмәт вакансияләренең бердәм базасы
Вакансияләрне карарга →
Табиб-физкультура диспансерының баш шәфкать туташы Наталья Тугулева «Зөя калкулыгы» курорт-шәһәрендә матур күренешләр һәм гаҗәеп авыр киртәләрдән торган уникаль трасса буенча узучы Татарстанның легендар йөгерешендә катнашты.
29-30 июльдә «Техногород» картодромында беренче тапкыр дрифт буенча ярышлар узачак. Алар дрифтинг буенча Drift that Идел буе чемпионатының дүртенче этабы кысаларында үткәрелә. Парлы узышларның һәм пилотлар парадының иң күренекле өлеше 30 июльдә 14:00 сәгатьтә узачак. Керү ирекле.
Чаллы шәһәре предприятиеләре һәм учреждениеләре яшьләре арасында пляж волейболы буенча хатын-кызлар һәм ир-атлар лигасының еллык турниры тәмамланды. Ул 10-21 июльдә эшләүче яшьләр Спартакиадасы кысаларында узды. Уеннар шәһәрнең иҗтимагый киңлекләрендә, Ф.Табеев һәм Г. Тукай яр буйларында ике волейбол мәйданчыгында оештырылды. Анда җиде хатын-кыз командасы һәм 27 ир-ат командасы катнашты. Турнир Бөек Ватан сугышы ветераны Валентина Михайловна Мясниковага багышлана.
59 нчы "Адымнар-Чаллы" полилингваль гимназиянең спорт кырында Мэр кубогына ишегалды командалары арасында мини-футбол буенча турнир финалы узды. Наил Мәһдиев яшь спортчыларны котлады һәм җиңүчеләрне бүләкләде. Очрашуда шулай ук өч район башлыклары: Ленар Әхмәтҗанов, Эдуард Фәттахов һәм Винер Харисов катнашты. Финалда шәһәрнең өч районы җиңүчеләре очрашты. Алар - 30 нчы мәктәпнең "Кенгуру", 19 нчы мәктәпнең "Ягуары", 56 нчы мәктәпнең "Псы" командалары. Турнирда барлыгы 400дән артык яшүсмер катнашты, бу 37 команданы тәшкил итә.
129 нчы «Белоснежка» балалар бакчасында «ТАТНЕФТЬ» хәйрия фонды ярдәме белән Халыкара шахмат көненә багышланган чара узды. Малайлар һәм кызлар бер ел эчендә алган күнекмәләрен күрсәттеләр: тарих турында белем, уен кагыйдәләре, шахмат кырында ориентлашу осталыгы.
