Граждан һәм муниципаль хезмәт вакансияләренең бердәм базасы
Вакансияләрне карарга →
20 майда ТР ДОСААФ мәйданчыгында Спартакиада кысаларында эшләүче яшьләр командалары арасында автомобиль буенча күптөрле ярышлар узды. Үз көчләрен автомобәйгедә шәһәр предприятиеләре һәм оешмалары командалары сынап карый алдылар. Иң мөһиме-машина йөртү таныклыгы, шәхси автомобиль, 18 яшьтән 35 яшькә кадәр булу һәм штрафлар булмау.
Бүген Чаллыда Татарстан Республикасы медицина хезмәткәрләре арасында «Сәламәтлек-2023» зона спартакиадасы узды. Быел ярышларның арадаш этабын оештыручы һәм катнашучы хокукларында Чаллы сәламәтлек саклау идарәсе Әлмәт, Түбән Кама, Бөгелмә медицина оешмаларыннан спортчыларны кабул итте. Җиңүче кубогы һәм ярышларның республика этабында катнашу хокукы өчен барлыгы 200гә якын сәламәтлек саклау хезмәткәре көрәшергә килгән. Спартакиаданы уздыру-яхшы традиция, күптән көтелгән еллык вакыйга һәм Татарстан медикларының корпоратив мәдәниятенең бер өлеше. Ул 2000 елдан бирле үткәрелеп килә, коронавирус пандемиясе вакытында бер тапкыр гына үткәрелмичә калган. Чара КФУның инжиниринг үзәге стадионында катнашучылар парады һәм ачылу тантанасы белән башланды. Спартакиада кунакларын һәм спортчыларын Чаллы шәһәренең Сәламәтлек саклау идарәсе башлыгы Рөстәм Ногманов сәламләде, уңышлар һәм яңа җиңүләр теләде.
Яр Чаллы педагогия көллиятендә инвалидлар һәм физик мөмкинлекләре чикләнгән затлар арасында һөнәри осталык буенча региональ чемпионат старт алды. Чемпионатта Казан, Түбән Кама, Чаллы, Алабуга шәһәрләреннән, Минзәлә, Арча, Лаеш муниципаль районнарыннан 65 конкурсант һәм 23 эксперт катнашты. Чемпионат үз эченә дүрт компетенцияне ала: "Сәйләннән үрү", "Башлангыч сыйныфлар укытучысы", "Мәктәпкәчә тәрбия", "Цифрлы дизайн", "Интеллектуаль спорт төрләре буенча инструктор". Катнашучылар өч категория буенча ярышалар: мәктәп укучысы, студент, белгеч.
21 майда «Волейбол шәһәре» партия проекты кысаларында Г.Тукай исемендәге үзәк пляжда волейбол буенча җәйге пляж сезоны ачылачак. Катнаш өлкәннәр командалары арасында пляж волейболы буенча турнир оештырылачак. Уеннар 10:00 сәгатьтә башлана. Турнирга Чаллы, Казан, Түбән Кама, Минзәлә, Нефтекамск һәм Уфа шәһәрләреннән барлыгы 20 команда киләчәк. Уеннар барлык кирәкле әйберләр белән җиһазландырылган биш мәйданчыкта узачак.
2021 елда оештырылган «Болгар» бию театрының балалар вокаль һәм хореография студияләре коллектив өчен зур горурлык булды. Студиянең яшь булуына карамастан, тәрбияләнүчеләр халыкара, бөтенроссия, республика һәм шәһәр конкурсларында һәм фестивальләрендә күп тапкыр җиңүчеләр. Безнең тәрбияләнүчеләр «DARfest» халыкара хәрәкәте үткәргән «Бир бишне» халыкара күп жанрлы фестиваль-конкурсында бөтен дәрәҗәге медальләр белән пьедесталның алдагы баскычын яуладылар.
