Граждан һәм муниципаль хезмәт вакансияләренең бердәм базасы
Вакансияләрне карарга →
«УНИКС»та «Татарстанның Студентлар язы-2023» фестиваленең гала-концерты узды, анда иң яхшы номерлар тәкъдим ителде, шулай ук Пермьдә Бөтенроссия конкурсында республика исеменнән чыгыш ясаучы җиңүчеләр игълан ителде. Фестивальдә Яр Чаллы дәүләт педагогия университеты, КФУның Яр Чаллы институты һәм И. Тимирясов ис. КИУ командалары катнашты.
Кичә Казанда мәктәп волейбол лигасының 2022-2023 елгы сезоны тәмамланды. Ярышларның финал өлешенә Яр Чаллыдан ике команда үтте, кызлар арасында 60 нчы мәктәп, егетләр арасында 4 нче мәктәп.
Чаллыда эшләүче яшьләр арасында автомобиль күпбәйгесе буенча ярышлар оештырылачак. Ярышлар 20 майда ТР ДОСААФ автомобиль мәйданчыгында узачак. Чара 10:00 сәгатьтә башлана. Ярышлар 3 этаптан тора: Юл хәрәкәте кагыйдәләрен белү, тиз маневрлар ясау һәм «Бала – төп пассажир» темасына автомобиль бизәү. Автомобиль белән идарә итү осталыгын 2 кешедән торган шәһәр предприятиеләре һәм оешмалары командалары күрсәтә алачак. Төп шартлар-машина йөртү таныклыгы, шәхси автомобиль, 18 яшьтән 35 яшькә кадәр һәм штрафлар булмаган кешеләр. Автоузыш эшче яшьләр арасында Спартакиада кысаларында уза.
Яр Чаллы шәһәрендә Яр буе паркы районында спорт ориентирлашуы буенча "Камский Азимут-2023" ярышлары узды. Ярышларда ориентирлашу профессионаллары гына түгел, ә спорт сөючеләр дә, шулай ук үзләрен бу мавыктыргыч шөгыльдә сынап карарга теләүчеләр дә катнашты. Гомумән алганда, стартка 1500дән артык кеше чыкты. Һәр төркемнең җиңүчеләре медальләр, дипломнар, кубок белән бүләкләнә.
Казанда «Урта медицина һәм фармацевтика белеме булган иң яхшы белгеч-2023» Бөтенроссия конкурсының республика этабы «Иң яхшы акушер» номинациясендә 1 урынны алган 7 нче шәһәр поликлиникасы акушеры Юлия Гафиятова бүләкләнде. Дипломны ТР Сәламәтлек саклау министры урынбасары Владислав Виниченко тапшырды.
