1941 елның 22 июне – халык хәтерендә мәңге сакланачак Хәтер һәм кайгы көне, Бөек Ватан сугышы башланган көн. Бу фаҗигале дата алдыннан китапханәчеләр Ватан хакына үз гомерләрен биргәннәрне искә алу акциясендә катнашачаклар. Алар – фашист концлагерьларында җәфа чиккән, газ камераларында яндырылган, снарядлардан һәлак булган, балаларны һәм картларны утка тотудан саклап, үзләрен танклар астына ташлаган кешеләр. Бу көнне китапханәгә килгән һәркем тыныч тормыш бүләк иткән каһарманнарыбызга хөрмәт билгесе итеп шәм кабыза алачак. Чара программасында – сугыш турындагы шигырьләр һәм җырлар. «Сугыш турында 80 китап» күргәзмәсендә һәркем укырга тиешле нәфис һәм публицистик әдәбият җыелмасы тәкъдим ителәчәк.
